गरिबी निवारण

गरिबी अभावको अवस्था हो । यसका स्वरूप र आयाम धेरै भए पनि जीवन निर्वाहका लागि आधारभूत आवश्यकता प्राप्त गर्नबाट वञ्चित हुनु नै गरिबी हो । गरिबीको अवस्थाले अरू धेरै अवसर र स्वतन्त्रताको कठालो समाउँछ।गरिबीले स्तरीय शिक्षा लिन सक्दैन, कम शिक्षित भएको कारण गरिबहरु सदैव गरीब रहन्छन्, जुन कुरा अत्यन्तै दुखको कुरा हो। त्यसैले समाजको दुइ किसिमको चरित्रमा समानता ल्याउन मैले गर्न सक्ने जति सम्पुर्ण प्रयास म बाट हुनेछ। तकि भबिस्यमा कोहि पनि गरिबीको रेखामुनि नरहुन्। सचेत र शिक्षित समाजको निर्माणका निम्ति गरिबी निवारण अत्यन्त आवश्यक हुन्छ। जसका निम्ति म अहोरात्र खटिने छु‌।

स्वास्थ्य

प्राथमिक स्वास्थ्य सेवाको मुख्य कार्य भनेको बिरामीलाई निरन्तर रुपमा सकारात्मक हौसला सहित हेरचाह प्रदान गर्नु हो। यसले बिरामीलाई सम्बन्धित सरकारी निकाय र अन्य संस्थाहरूद्वारा पहल गरिएका विभिन्न सामाजिक कल्याण र जनस्वास्थ्य सेवाहरू उपलब्ध गराउन मद्दत गर्दछ। प्राथमिक स्वास्थ्य सेवा केन्द्रको अर्को प्रमुख भूमिका भनेको समाजका पिछडिएका वर्गलाई गुणस्तरीय स्वास्थ्य र सामाजिक सेवाा प्रदान गर्नु हो।जुन कुराको सम्भावना सुशासन सहितको राजनिति बाट मात्र सम्भव हुन्छ। कोहि पनि उचित उपचार बाट बन्चित नहोउन् भन्नेमा म सदैव सतर्क रहने छु।

पारदर्शिता

राजनितिक पारदर्शिता आर्थिक, सामाजिक र कानुनी मुद्दाहरू सँग पनि सम्बन्धित छ। अर्कोतर्फ, राजनीतिक पारदर्शिताले सार्वजनिक राजनीतिक क्षेत्रलाई मात्र समेट्दैन।यसभित्र निजी संघसंस्था पनि पर्छन्। जसको सहि परिचालन गर्न सुशासन सहितको राजनितिको जरुरी हुन्छ। यस अर्थमा पनि राजनितिले फोहोरी खेल बनिरहन मिल्दैन।

राजनितीमा हुने विभिन्न किसिमका निर्णयहरु बारे जनताहरू जानकार हुनु अत्यन्तै जरुरी हुन्छ।नागरिकसँग विश्वास र सुरक्षा लगायत सम्पूर्ण गतिविधिहरू, वार्तालापहरू, बजेट र सार्वजनिक चासोका विषयमा छलफल गर्ने र सहि सुचना सम्प्रेषण गरि नागरिकको हक हितको सुनिश्चित गर्ने काम गर्नमा म बाट भरमग्दुर प्रयास हुनेछ।

बाताबरण

अव्यवस्थित सहरीकरण, चर्को ध्वनि, विभिन्न किसिमका रसायनको प्रयोग आदि जस्ता कारणले गर्दा प्रदूषणको मात्रा दिनानुदिन बढ्दै गइरहेको छ । जलवायु प्रदूषण, भूमि प्रदूषणका अलावा ध्वनि प्रदूषण तथा दृश्य प्रदूषण समेत बढिरहेको बर्तमान परिप्रेक्षमा यस तर्फ जो कोही सचेत नागरिकको ध्यान जानु जरुरी छ भने वातावरण प्रदूषण गर्ने , वतावरण विनाश गर्ने, जो कोही र जे केहि ( चाहे त्यो सुन र हिराको खानी नै किन नहोस् )लाई बन्द गर्ने आँट सरकारले गर्नुपर्छ । जसका निम्ति सम्बन्धित निकाय सम्म जनताको आवाज बनेर हिँड्ने छु।

शिक्षा

शिक्षा मानिसलाई बाटो देखाउने एउटा मार्ग हो । कुनै विषयमा ज्ञान लिनु वा दिनुलाई मात्रै नभएर हामीले गर्ने प्रत्येक सकारात्मक व्यवहार र सचेत कदमहरु नै शिक्षाको परिभाषा हो। त्यसैले भन्ने गरिन्छ शिक्षा ग्रहण गर्नको लागि कुनै उमेर, जात, लिङ्ग, धर्म र संस्कारले छेक्दैन। मानिसले जन्म देखि मृत्यु पर्यन्त केहि न केहि नयाँ कुरा सिकिरहेको हुन्छ, ति सम्पूर्ण सिकाइ नै शिक्षा हो। त्यसैले सिकाइ कहिल्यै पनि सकिँदैन र शिक्षा ग्रहण गर्ने काम पनि सकिँदैन।शिक्षाकै कारण नै यो संसार छ । यदि शिक्षा नभएको भए यो संसार हुँदैनथ्यो । सायद शिक्षा नभएको भए यो संसार अन्धकार भित्र गुज्रिरहेको होला । त्यसैले शिक्षाको सम्वन्धमा म बाट बिषेस पहल हुनेछ । मेरो कार्यकालमा कोही कसैले शिक्षा बाट बन्चित हुनु पर्ने छैन।

खाने पानी र सिचाई

सफा पानी पिउन पाउने अधिकार संविधानमा नै सुनिश्चित गरिएको छ र पनि आज पनि सफा पिउने पानी बाट बन्चित थुप्रै नेपाली छन्। जलस्रोतको धनी देशमा पिउने पानीको अभाव भन्ने सुन्दा झट्ट राम्रो सुनिदैन,तर यो यथार्थ हो। सफा पिउने पानीको उपलब्धता र सरसफाई सम्बन्धि सचेतना कार्यक्रमका लागि म मेरो कार्यकाल भरि जनता सँग सँगै रहेर लागि पर्नेछु। समान व्यवहार जसबाट दुषित पानी बाट हुने विभिन्न किसिमका सरुवा रोगहरूलाई हटाउन मद्दत हुन्छ। किसानहरूको पैसा जोगाउने र बालीको उत्पादन बढाउने एक मात्र तरिका  सिंचाइ हो ।